Mexíkóinn

hér er ég.. mr.Express

Mon, 07 May 2007 14:57:16 GMT

Þá er maður kominn aftur á netið. Búið að vera fínt hjá mér. Gott að taka sér smá pásu frá netinu. Nú er skólinn búinn og fluffu námskeiðið líka. Nú er maður orðinn löglegur flugliði hehe.. Ég er búinn að ferðast mikið. Fór t.d. í óvissu ferð með félaga mínum til Þykkvabæar! Það var frábært. Algjör drauga bær en á sér samt góða sögu. Ég fór líka til London á námskeið þar. Verslaði nú ekki mikið þar eftir að hraðbankinn gleypti kortið mitt, en þetta var voða stuð hjá okkur. Svo er ekki langt síðan að ég kom heim frá Kaupmannahöfn og þar verslaði ég mikið!! En nó um það,, hvað er að frétta af ykkur (kvittið!).

+ Nýjar myndir væntanlegar!

BK. Maggi Jóns

MySpace'ið mitt :)

Wed, 14 Feb 2007 22:34:21 GMT

http://www.myspace.com/mexikaninn

Velkomin/n um borð :-)

Thu, 08 Feb 2007 21:56:16 GMT

Fljúgðu frjáls.

Fljúgðu hátt og langt,

styrkum vængjum.

Þeir tímar munu koma

þegar mikils verður vænst af þér.

Ég óska þér hugrekkis, þolgæðis

og viskunnar sem þú þarfnast.

Hugsanir mínar fylgja þér alla tíð.

Pam Brown

Já, Það er satt. Ég komst inn hjá IcelandExpress. Þetta verður frábært sumar. Ég setti ljóð á síðuna sem amma mín gaf mér fyrir löngu. Mér hefur alltaf langað til að prófa að vera flugþjónn og hún vissi það greinilega. Mér langar að þakka öllum þeim sem að veittu mér stuðning á meðan ég var að deyja úr stressi yfir viðtalinu sem ég tók og öllum þeim sem að höfðu og hafa trú á mér. Takk.

Nú þarf maður bara að rúlla þessu upp og ná lokaprófinu með stæl. En það verður ekkert mál. Kominn með Diplóma í flugþjónustu og alles :haha:.

Bið að heilsa öllum.

Bestu kveðjur Maggi Jóns.

Þú Tryllir Mig

Sat, 03 Feb 2007 22:28:30 GMT

Jæja, þá er maður tilbúinn að byrja að blogga smá aftur.

Ég var að horfa á Eurovision í kvöld. Verð nú bara að segja það að við höfum ekki mikið af góðum og skemmtilegum lögum í ár. Mér fannst lagið með Jónsa mjög gott. Frekar líkt laginu hennar Regínar í fyrra. Svo var lagið sem hann Hafsteinn Þórólfsson samdi og flutti mjög gott, “Þú tryllir mig”. Ekki smá gott lag til að senda út til Finnlands í ár og mjög mikið gay lag sem er bara gott og skemmtilegt. Ég held með þessum tveim lögum.

Svo var farið í Bónus í dag með Margéti systur. Þið sem búið í bænum verðið að átta ykkur á því að hjá okkur sem búum út á landi er það að skella sér í Bónus mjög sérstakur og mikilvægur hlutur. Við keyptum fyrir slatta og það má segja að þetta sé það sem á að duga okkur út þennan mánuð.

Ég skrapp stutt í bæinn á föstudaginn. Ég segi stutt því að ég hafði eingan tíma til að hitta neinn nema Danna (sem ég er nú búinn að binda mig við þannig að ég verð að hitta hann hvert einasta skipti sem ég fer í bæinn, sem er bara gott og fínt). Ég fór í viðtal hjá IcelandExpress sem vonandi gekk vel. Við sjáum bara til með það hvort að ég hafi náð þessu eða ekki.

Hvað get ég sagt meira. Kötturinn hennar múttu er kettlingafull. Hún er að springa og það verður gaman þegar hún gerir það. Alltaf gaman að sjá ný líf í heiminum. Ég fékk Skjá 1 og sirkus um helgina, plúss fullt af öðrum stöðvum. Það eru alltaf stormar hér á kvöldin þannig að það verður fínt að geta horft á sjónvarpið inni í hlýjunni.

http://video.google.com/videoplay?docid=-6970609111073918657

BK. Maggi Jóns

hi

Mon, 22 Jan 2007 20:54:51 GMT

Baka, matarboð, partý og The Hobbit. Það er nú eitthvað smá búið að gerast hér á Grundó. Ég kláraði bókina The Hobbit sem var mjög góð. Ég var ekki lengi að klára hana og ég get varla beðið eftir að myndin komi út. Mamma fékk heimsókn í gær. Benni frændi og fjölskyldan hans komu í heimsókn og hjálpaði múttu að flytja. Nú er mamma kominn í næstu íbúð. Naflastrengurinn gæti ekki verið styttri. Margrét eldaði stóran og góðan hrygg og ég gerði flottann eftirrétt. Ég verð nú líka að monta mig smá af því sem að ég gerði í gær. Mér var gefið brauð vél sem var alveg ónotuð. Ég bakaði fyrsta brauðið mitt í gær og vá hvað það heppnaðist vel. Nammi nammi namm… Svo fór ég í eitt partý um daginn sem var algjör snilld. Agga og Viggi nágrannar héldu matarboð og partý. Það var farið í drykkju leiki og skemmt sér eins og konungs fólk hehe.. Annars er allt gott að frétta… ég er byrjaður að vinna í SólarSport og fyrsti TaeBo tíminn var mjög góður. Ég er ekki búinn að standa mig eins vel og ég ætlaði mér að gera í ræktinni og matarræðinu en ég verð bara að byrja á þessu almennilega á morgun. Verð að hætta þessu núna. Ætla að horfa á fyrsta þáttinn minn af Heros. Er núna að horfa á Gray’s Ataaaanommmiýýy (hvernig sem það er nú skrifað hehe). C ya.. love ya all…

13.01.2007

Sat, 13 Jan 2007 18:35:32 GMT

Jæja. Þá ætti maður að setjast niður og byrja að blogga smá fyrir ykkur. Við höfum það bara gott hér heima. Mamma fékk íbúðina sína rétt áðan og ný bý ég hliðinna á múttu. Ekki langt að fara til að klaga Hrenna. Ég er byrjaður í skólanum en hef lítið mætt í skólann því að ég er búinn að vera að vinna næturvaktir á elliheimilinu. Ekki létt að halda sér vakandi í skólanum þannig að ég fer oftast heim að sofa. En maður venst þessu og þetta kemur allt með tímanum. Ég hef staðið mig vel í mataræðinu og er að æfa á fullu núna. Get svo svarið það að kviðurinn er kominn í ljós og brjóstkassinn farinn að lyftast upp. Ég er búinn að vera í stórri þjálfun seinustu daga. Ég er nefnilega að undirbúa mig undir TaeBo tímana sem ég verð með á Þri og Fim klukkan 16:00. Þetta er sjúklega erfitt og ég vona bara að ég standi mig vel í því. Eitt er víst og það er að maður fær sjúúúúúúklegann flottann kropp eftir svona tíma! En annað hef ég svo sem ekki að segja. Var að panta mér bækur á Amazon.co.uk. The Hobbit, Brave New World og The Hitchhiker’s Guide to The Galaxy. Ég þarf að lesa þær í Ens 563. En nú ætla ég að hætta. Verð að fara að gera eitthvað.

Kv. Maggi Jóns.

Ég ætla verða ofsalega, ofsalega rosalega, mikið meira en vöðva stæltur. Drekka kreatín og vítamín.

Sat, 06 Jan 2007 23:10:18 GMT

Þá byrjar það!

Ég er byrjaður að æfa aftur. Reinar ekki akkurat núna en á morgun byrjar matarræðið og svo fer ég að lyfta á mánudaginn og þetta árið ætla ég að standa mig. Mér gekk svo brjálæðislega vel í skólanum í fyrra og það var bara vegna þess hversu duglegur og einbeittur ég var í honum. Núna ætla ég að einbeita mér af ræktinni og heilsunni. Ég ætla að koma mér í gott form fyrir skólann úti sem verður eftir ár, þannig að ég hef eitt ár til að sanna það fyrir sjálfum mér og öllum hinum að ég geti þetta. Ekkert gos, ekkert kex og ekkert salgæti. Borða bara próteinmykin mat og drekk holla drykki. Svona verður það já.. Maggi Massi verð ég kallaður eftir ár hehe….

En já. Hef svo sem ekkert annað að segja. Langaði bara að láta ykkur vita frá þessu. C ya fallega fólk.

Kv. Maggi Jóns

2007

Wed, 03 Jan 2007 22:16:52 GMT

Þá er árið 2007 komið og öllum líður vel. Þetta verður frábært ár og þetta á víst að vera ár Hafrúnar vínkonu sem á það alveg skilið svo sem, miðað við hvernig henni hefur gengið í vinnunni. En já, Hafrún sæta og Danni besti komu í heimsókn til okkar um áramótin og héldu upp á nýja árið með okkur. Við fengum okkur kalkún og fullt af eftiréttum. Allt heppnaðist vel og Hrenni og ég héldum upp á áramóta partý hér heima sem var víst það besta sem hefur verið haldið í bænum af sögn gesta hehe… en ég sjálfur get ekkert sagt um það því ég var dauður mjög, mjög snemma , eða allavegana of drukkinn um eitt leitið og man ekki eftir neinu ( gott þetta kampavín) (já og rauðvín….) (…já, og hvítvínið,,,plúss bjórinn). En það gekk vel og íbúðin í heilu lagi eftir nóttina. Svo var kíkt í bæinn annan jan til að kíkja á frændsystkina kvöldið heima hjá Helgu frænku. Það var mjög fínt og ég hefði nú verið til í að stoppa lengur hjá henni en ég varð víst að keyra heima snemma til að geta farið tímalega að sofa því ég sótti um vinnu í dag og fékk hana. Þannig að nú byrjar The school og vinnan á fullu, bæði á elliheimilinu og í sólarsport þar sem ég verð að kenna nokkra tíma á viku. En meira hef ég svo sem ekki að segja nema takk öllsömul fyrir frábært ár (2006) og hlakka til að njóta þess að vera til með ykkur á þessu ári (2007). Ég ætla að setja hér einn link með sem félagi minn lét mig fá áðan. Ég og Hafrún tókum inntökuprófið hjá Icelandair um daginn og ég verð bara að sýna ykkur hvernig Maggi ykkar á eftir að verða þegar hann fer að fljúga.

http://video.google.com/videoplay?docid=-95526610840221447

Kv. Maggi Jóns.

2006

Fri, 29 Dec 2006 23:50:30 GMT

Jæja.. Þá fara áramótin að nálgast. Það verður stórt partý heima hjá okkur og vonandi heppnast allt vel. Ég hef svo sem ekkert að segja nema það að Hrenni minn á afmæli á morgun 30.des og það verður haldið rækilega upp á það. En ég ætla að enda bloggið mitt í ár með mynd af Danna mínum og kellu hans Unu sem eiga von á litlum Idolista á næsta ári. Bið að heilsa öllum og takk fyrir gamla góða 2006 og gleðilegt nýtt ár.

Kv. Maggi Jóns

Gleðileg jól

Sun, 24 Dec 2006 15:11:33 GMT

Þá hefur maður loksinns tíma til að blogga smá og það eru komin jól. Ég kláraði skólann með flottum einkunnum (7,7,7,7,7,7,9 og S) og er kominn út í “sveit” eða ætti ég frekar að segja Grundó. Fallegi og yndislegi Grundarfjörður. Hér er alltaf bezzzt að vera. Við erum fluttir og höfum það bara gott með múttu í næsta húsi. Ég fæ að sjá um matinn og ég leifi múttu og Hrenna að slappa af. En mamma er náttúrulega bara mamma og getur ekki slappað af, verður alltaf að vera að gera eitthvað og hjálpa til J. Við verðum með hamborgarahrygg í kveld og hangikjöt á morgun. Náði ekki að senda jólakortin og ég verð hér með að biðjast afsökunar á því og óska öllum þeim sem gefa sér tíma til að kíkja á síðuna mína gleðilegra jóla. Hlakka til að blogga með ykkur á næsta ári og ég bið ykkur öllum velkomin í áramóta/innflutnings partý hjá okkur þann 31.Des. Sjáumst öll hress og kát á komandi ári og ég elska ykkur öll.

Kv. Maggi Jóns

"Hvernig gastu gert þetta?"

Tue, 19 Dec 2006 23:59:17 GMT

Þegar ég var hvolpur, skemmti ég þér með skrípalátum og fékk þig til að hlæja. Þú kallaðir mig barnið þitt, og þrátt fyrir nokkra nagaða skó og ónýta púða, varð ég besti vinur þinn.Í hvert skipti sem ég var "óþekk", hristir þú höfuðið og spurðir: ?hvernig gastu gert þetta??- en svo brostir þú og veltir mér á bakið til að klóra mér á maganum. Að gera mig húsvana tók aðeins lengri tíma en það átti að gera, þú varst svo upptekinn, en við unnum að því saman. Ég man þær nætur þegar ég kúrði hjá þér uppi í rúmi og hlustaði á játningar þínar og leynda drauma, og ég hélt að lífið gæti ekki verið fullkomnara. Við fórum í langa göngutúra og skokkuðum í almenningsgarðinum, bílferðir, keyptum ís (ég fékk bara að borða brauðformið því þú sagðir að ís væri ekki góður fyrir hunda), og ég lagði mig í sólinni og beið eftir því að þú kæmir heim í lok dagsins. .

Smám saman fórstu að vera meira í vinnunni og eyða meiri tíma í starfsframa þinn, og meiri tíma í að leita þér að maka. Ég beið eftir þér þolinmóð, og huggaði þig í ástarsorgum og vonbrigðum, skammaði þig aldrei fyrir lélegar ákvarðanir, og hoppaði af gleði í hvert skipti sem þú komst heim og þegar þú varðst ástfanginn. Hún, sem er nú konan þín, er ekki hundamanneskja- samt bauð ég hana velkomna inn á heimili okkar, reyndi að sýna henni ástúð og hlýddi henni. Ég var ánægð vegna þess að þú varst ánægður. Svo komu börnin og ég var alveg jafn spennt og þú. Ég var agndofa yfir því hvað þau voru bleik, hvernig þau lyktuðu, og ég vildi hugsa um þau eins og þau væru mín eigin. En hún og þú höfðu áhyggjur af að ég gæti meitt þau, og ég eyddi mest öllum mínum tíma lokuð inni í öðru herbergi eða í hundabúri. Mikið langaði mig til að elska þau en ég varð ?fangi ástarinnar?. Þegar þau stækkuðu varð ég vinkona þeirra. Þau hengu í feldinum mínum og toguðu sig upp á völtum fótum, potuðu í augun á mér, grandskoðuðu eyrun mín, og kysstu mig á trýnið. Ég elskaði allt í sambandi við þau og snertingu þeirra, því þín snerting var svo sjaldgæf núorðið, og ég hefði varið þau með lífi mínu ef ég hefði þurft þess. Ég laumaðist upp í rúmið þeirra og hlustaði á áhyggjur þeirra og leynda drauma, og við biðum saman eftir að heyra í bílnum þínum í innkeyrslunni. .

Einu sinni var það svo að ef fólk spurðir hvort þú ættir hund, þá sýndir þú þeim mynd af mér sem þú varst með í veskinu og sagðir sögur af mér. Síðustu ár svaraðir þú bara já og breyttir um umræðuefni. Ég breyttist frá ?hundinum þínum? í ? bara hundur?, og allur kostnaður varðandi mig fór í taugarnar á þér. Nú bauðst þér ný vinna í annarri borg, og þú og þau fluttuð í íbúð þar sem ekki má vera með gæludýr. Þú tókst rétta ákvörðun fyrir ?fjölskyldu? þína, en einu sinni var ég eina fjölskylda þín..

Ég var yfirspennt yfir bíltúrnum þangað til við komum að ?dýra-skýlinu?. Það lyktaði af hundum og köttum, af ótta og vonleysi. Þú fylltir út eyðublöð og sagðir:? Ég veit að þið finnið gott heimili fyrir hana?. Þau andvörpuðu og gáfu þér vonleysislegt augnaráð. Þau vita hvað bíður miðaldra hunds, jafnvel þó hann sé með ættbók. Þú varðst af rífa son þinn lausan frá hálsólinni minni á meðan hann hrópaði: ? nei pabbi, gerðu það! Ekki láta þau taka hundinn minn!? og ég hafði áhyggjur af honum, og hvaða lexíur þú hafðir kennt honum um vináttu og tryggð, um ást og ábyrgð, og um virðingu fyrir öllu lífi. Þú kvaddir mig með klappi á kollinn, forðaðist að horfa í augun á mér, og kurteisislega afþakkaðir að taka hálsólina mína og tauminn með þér. Þú hafðir takmarkaðan tíma og það átti einnig við um mig núna. Eftir að þú fórst sögðu konurnar tvær að þú hefðir líklega vitað fyrir nokkrum mánuðum að þú þyrftir að flytja en reyndir ekkert til að finna gott heimili handa mér. Þær hristu höfðuðið og sögðu hvernig gastu gert þetta??.

Þær reyna að sinna okkur hérna í skýlinu eftir bestu getu en það er alltaf mikið að gera. Þær gefa okkur að borða, auðvitað, en ég missti matarlystina fyrir mörgum dögum. Í fyrstu, í hvert skipti sem einhver fór framhjá búrinu mínu, hljóp ég að hurðinni og vonaði að það væri þú, að þú hefðir skipt um skoðun, að þetta væri allt saman slæmur draumur.. eða ég vonaði að þetta væri að minnsta kosti einhver sem stæði ekki á sama og myndi kannski bjarga mér. Þegar ég sá að ég gat ekki keppt við litlu hvolpana, sem vissu ekkert hver örlög þeirra yrðu, bakkaði ég aftur í eitt hornið og beið..

Ég heyrði fótatak hennar þar sem hún kom að sækja mig í lok dagsins, og ég rölti við hliðina á henni inn ganginn inn í aðskilið herbergi. Óþægilega hljótt herbergi. Hún setti mig upp á borð og nuddaði á mér eyrun og sagði mér að hafa ekki áhyggjur. Hjarta mitt barðist ótt og títt af kvíða um hvað myndi gerast, en ég fann líka fyrir smá létti. Takmarkaður tími fanga ástarinnar var búinn. Eins og ég er að eðlisfari, þá hafði ég meiri áhyggjur af henni. Byrðin sem hún þarf að bera, og ég veit það, á sama hátt og ég þekkti hvert geðbrigði þitt. Hún setti varlega æðaklemmu á framlöppina mína og tár rann niður kinn hennar. Ég sleikti hönd hennar á sama hátt og ég gerði þegar ég reyndi að hughreysta þig fyrir mörgum árum. Hún stakk nálinni varlega í æðina mína. Þegar ég fann stunguna og kaldann vökvann æða í gegnum líkama minn, lagðist ég syfjuð niður og mumlaði: ?Hvernig gastu gert þetta??. Hún sagðimér þykir þetta svo leitt?, kannski vegna þess að hún skyldi hundamálið mitt. Hún faðmaði mig og útskýrði í fljótu bragði að það væri hennar vinna að sjá til þess að ég færi á betri stað, á stað þar sem ég væri ekki hunsuð, misþyrmt eða yfirgefin, eða þyrfti að verja mig -stað þar sem er ást og ljós- staður sem er svo mikið frábrugðinn þessari jörð. Með síðustu orku minni reyndi ég að dilla skottinu mínu og láta hana sjá að þegar ég sagði ?hvernig gastu gert þetta??, þá var ég ekki að beina því að henni. Það varst þú, minn ástkæri húsbóndi, sem ég var að hugsa um. Ég mun hugsa til þín og bíða eftir þér að eilífu. Ég vona að allir sem þú kynnist í þínu lífi muni sýna þér jafn mikla tryggð og ég.

frí frá bloggi

Tue, 28 Nov 2006 13:31:11 GMT

Hætti því miður að blogga næstu vikur. Skólinn á fullu (próf) og annað.

Grundargata 69...já..ég sagði 69

Tue, 28 Nov 2006 13:05:45 GMT

Nokkrar OK myndir af nýja húsinu okkar :-). Þið finnið þær undir Snæfellsnes og Grundargata 69. Góða skemmtun.

www.nesbyggd.is

Heima á grundó

Sun, 26 Nov 2006 21:59:27 GMT

Þá er maður heima á Grundó að slappa af. Tók á móti lyklunum á húsinu mínu. Ekki smá ánægður og núna hef ég flutt flest alla kassa yfir frá múttu. Gaman að fara yfir allt æsku stuffið mitt. Gömlu barnabækurnar mínar og límiðabækurnar mínar .. hehe… En ég flyt ekki alveg fyrr en prófin eru búinn og nú fara þau að byrja. ég er meira að segja búinn að loka mig inni hér heima og læra á fullu..læra og flytja..læra og flytja.. Ég verð víst að loka mig inni í tvær vikur og sofa með bækurnar undir koddanum. Ég er núna samt að horfa á American Dad með möggu systu og Hrenna. Við leggjum af stað til baka frá Grundó á morgun og ég hef nú litlar sem engar áhyggjur yfir færðinni því að nú er Yarisinn kominn á naggla. En .. já .. nú hef ég svo sem ekkert meira að segja.. bið að heilsa ykkur öllum.

Kv. Maggi Jóns

5min fame

Wed, 22 Nov 2006 13:30:49 GMT

Vó... ;-) ... I'm so proud, My BEST FrIeND ... love ya man ;-)

Mexíkóinn

hér er ég.. mr.Express

MySpace'ið mitt :)

Velkomin/n um borð :-)

Þú Tryllir Mig

hi

13.01.2007

Ég ætla verða ofsalega, ofsalega rosalega, mikið meira en vöðva stæltur . Drekka kreatín og vítamín .

2007

2006

Gleðileg jól

"Hvernig gastu gert þetta?"

frí frá bloggi

Grundargata 69...já..ég sagði 69

Heima á grundó

5min fame

Ég ætla verða ofsalega, ofsalega rosalega, mikið meira en vöðva stæltur. Drekka kreatín og vítamín.